राजनीतिक आबद्धता
२०३५ सालबाट एमालेमा आबद्ध । २०३६ असोज ६ मा सदस्यता लिए । खरेल २०३६ सालको विद्यार्थी आन्दोलनताका महेन्द्र विन्देश्वरी बहुमुखी क्याम्पसको स्ववियू सचिव थिए । २०४५ मा नेपाल बार एसोसिएसन केन्द्रीय समितिको सदस्य थिए । २०४७ सालको संविधान लेखनताका उनी संविधान मस्यौदा समितिका सदस्य माधवकुमार नेपालको कानुनी सहायक थिए । २०४९ को महाधिवेशनताका उनलाई पार्टीले राष्ट्रिय महाधिवेशन प्रतिनिधि र निर्वाचन आयोगको सदस्यको जिम्मेवारी दिएको थियो । २०५० मा सुवास नेम्वाङ, विद्या भण्डारी, भरत प्रधान, विष्णु रिमालसँगै खरेल पनि एमालेको राष्ट्रिय परिषद् सदस्यमा मनोनित भए । २०६६ को आठौं राष्ट्रिय महाधिवेशनमा केन्द्रीय कमिटीको रुपमा निर्वाचित भए । घनश्याम भूसालपछि उनले दोस्रो बढी मत उनले पाएका थिए । नवौं राष्ट्रिय महाधिवेशनबाट पोलिटब्युरोमा रहेका उनी १०औं माधिवेशनबाट स्थायी कमिटी सदस्यमा निर्वाचित भए ।