विजयकुमार गच्‍छदार

राजनीतिक आबद्धता

२०२७ सालमा महेन्द्र मोरङ क्याम्पसबाट नेपाल विद्यार्थी संघमा आबद्ध । कांग्रेसका तर्फबाट २०५२, २०५३ र २०५६ मा निर्वाचित केन्द्रीय सदस्य । २०६० देखि २०६४ सम्म नेपाली कांग्रेस प्रजातान्त्रिकमा महामन्त्री । कांग्रेस एकीकरणपछि मधेस केन्द्रीत दलमा आबद्ध । मधेसी जनआधिकार फोरम नेपालमा आबद्ध । संविधानसभा निर्वाचनलगत्तै पार्टी विभाजन गरी आफ्नै अध्यक्षतामा मधेशी जनअधिकार फोरम (लोकतान्त्रिक) गठन । २०६६ देखि २०७४ असोजसम्म लोकतान्त्रिक फोरमको अध्यक्ष । २०७४ असोजमा पुनः कांग्रेससँग पार्टी एकीकरण । हाल कांग्रेस केन्द्रीय सदस्य ।

संसदीय यात्रा

२०४८, २०५१, २०५६ मा प्रतिनिधिसभा सदस्य । संविधासभामा २०६४ र २०७० मा प्रत्यक्ष निर्वाचित सदस्य । प्रतिनिधिसभा सदस्य निर्वाचन २०७४ मा सुनसरी ३ बाट निर्वाचित ।

कार्यकारी जिम्मेवारी

२०६६, २०६८, २०७२, २०७३ र २०७४ मा गरी पाँच पटक उपप्रधानमन्त्री । २०५२ देखि २०५९ सम्म पटक–पटक गरी पाँचपटक मन्त्री । २०४८ देखि २०५१ सालसम्म सूचना तथा सञ्चार राज्यमन्त्री ।