राजनीतिक आबद्धता
२०३२ सालको विद्यार्थी आन्दोलनबाट प्रभावित भएर २०३५–०३६ को विद्यार्थी आन्दोलनमा सक्रिय सहभागी ।२०३६ सालमा इन्जिनियरिङ अध्ययन संस्थान स्ववियु सचिवमा अनेरास्ववियुबाट निर्वाचित ।२०३८ सालमा सरस्वती बहुमुखी क्याम्पस, लैनचौरको स्ववियु सचिवमा निर्वाचित । २०३८ सालमा तत्कालीन नेकपा (माले) को युथ लिगको सचिव । २०३९ सालमा सम्पन्न अनेरास्ववियुको सातौं राष्ट्रिय सम्मेलनबाट महासचिवमा निर्वाचित । २०३९ सालमा नेकपा (माले) लिडिङ युथ लिगको सचिवमा निर्वाचित । २०४४ सालमा नेकपा (माले) उपत्यका विद्यार्थी क्षेत्र हेर्ने पार्टी जिल्ला कमिटीको सचिव र अनेरास्ववियु केन्द्रीय कमिटी सदस्य । २०४६ सालको जनआन्दोलनमा नेकपा (माले) द्वारा गठित “प्रजातान्त्रिक आन्दोलन समन्वय समिति” को सचिव । २०४६ सालको जनआन्दोलनको योजना निर्माणमा संलग्न र सक्रिय सहभागी । २०४७– २०५५ सम्म नेकपा (एमाले) सुनसरी जिल्ला कमिटीको सचिव ।
२०५४ सालमा नेपालगन्जमा सम्पन्न पार्टीको छैटौं महाधिवेशनबाट केन्द्रीय सदस्यमा निर्वाचित । २०५७–०५८ मा पार्टी केन्द्रीय कार्यालयको सचिव । २०५८–२०६५ सम्म पार्टीको कोशी अञ्चल ईन्चार्ज । नवौं राष्ट्रिय महाधिवेशनबाट पार्टीको केन्द्रीय कमिटी सचिव । २०७२—७४ मा नेकपा (एमाले) १ नं. प्रदेश कमिटीको संयोजक ।
२०७४—७८ मा १ नं. प्रदेश कमिटीको इन्चार्ज । हाल एमालेमा आबद्ध ।
