संसदीय यात्रा
२०४४ सालमा वाणिज्य क्याम्पस बुटवलमा अध्ययन गर्दै गर्दा अनेरास्ववियुको सम्पर्कमा रही नेतृत्व चयनमा सक्रिय रहेका उनले २०४७ सालको आन्दोलनमा बझाङमा जागिरका सिलसिलामा रहँदा कालो पट्टी बाँध्नेदेखि पञ्चायत विरुद्धको अभियानमा लागेका थिए । २०४८ सालमा नेकपा एमालेको सदस्यता प्राप्त गरे । आर्थिक उपार्जनका लागि दुई वर्ष वैदेशिक रोजगारीका सिलसिलामा कोरिया पुगेका उनी २०५१ सालसम्म उतै रहे । युवा संघको सदस्य भई रूपन्देही जिल्ला कमिटीमा तीन कार्यकाल बिताए । युवा संघको जिल्ला अध्यक्ष भएर पनि काम गरे । नेकपा एमालेको स्थानीय तह विभाग सदस्यसमेत रहेका उनी
प्रदेश कमिटी लुम्बिनीको सदस्य छन् ।
कार्यकारी जिम्मेवारी
तिलोत्तमा नगरपालिकाको प्रमुखका रुपमा पाँच वर्ष काम गरेका उनले नगरलाई मुलुककै नमुना नगरका रुपमा स्थापित गरेका थिए ।