राजनीतिक आबद्धता
२०४७ असोजदेखि नेपाली कांग्रेसबाट राजनीतिमा प्रवेश । २०४८ मा राप्रपा (कमल थापा) समूहमा प्रवेश । २०६४ सालमा मधेस आन्दोलनका क्रममा महन्थ ठाकुरको नेतृत्वमा तराई मधेस लोकतान्त्रिक पार्टी गठन गरी संस्थापक सदस्य ।
संसदीय यात्रा
२०४८ को आमनिर्वाचनमा राप्रपा (थापा) समूहबाट प्रतिनिधिसभा सदस्यमा उम्मेदवार । नेपाल सद्भावना पार्टीसँग पराजित । २०५१ को मध्यावधि निर्वाचनमा तत्कालीन जिल्ला विकास समिति रूपन्देहीको उपसभापति पदबाट राजीनामा दिएर प्रतिनिधि सभा सदस्यमा राप्रपा थापा समूहबाट विजयी । २०७० मा तमलोपाबाट त्यही क्षेत्रबाट संसदीय निर्वाचनमा विजयी ।
कार्यकारी जिम्मेवारी
२०४९ को स्थानीय निर्वाचनमा रूपन्देही जिल्ला विकास समितिको उपसभापति । २०५२ असोजमा जलस्रोत राज्यमन्त्री । २०५३ चैतमा वाणिज्य मन्त्री । २०५४ मा सञ्चार मन्त्री । २०६१ मा पर्यटन, नागरिक उड्ययन तथा संस्कृति, वन तथा भू संरक्षण र भूमि सुधार तथा व्यवस्था मन्त्री । २०६६ मा शिक्षामन्त्री । २०६१ मा नेपाल विद्युत् प्राधिकरणको अध्यक्ष ।