राजनीतिक आबद्धता
२०४४ सालमा अनेरास्ववियुको जिल्ला कमिटी सदस्य, त्यसपछि क्रमश: लुम्बिनी अञ्चल कमिटी, केन्द्रीय कमिटी, केन्द्रीय कमिटी सचिव, केन्द्रीय कमिटी महासचिव । २०६३ मा अनेरास्ववियुको पहिलो निर्वाचित केन्द्रीय कमिटी अध्यक्ष । आठौं राष्ट्रिय महाधिवेशनबाट केन्द्रीय कमिटी सदस्यमा निर्वाचित । पाल्पा र गुल्मी जिल्लाको इन्चार्ज । नवौं राष्ट्रिय महाधिवेशनबाट पुन: केन्द्रीय कमिटी सदस्यमा निर्वाचित । कृषि तथा भूमिसुधार विभागको प्रमुख । दसौं राष्ट्रिय महाधिवेशनबाट केन्द्रीय कमिटी सदस्य । हाल पोलिटब्युरो सदस्य तथा पाल्पा जिल्ला इन्चार्ज ।
विशेष जिम्मेवारी
विद्यार्थीलाई गाडी भाडा सहुलियत दिलाउने नीति ल्याउन प्रमुख भूमिका निर्वाह । नि:शुल्क शिक्षा र स्वास्थ हुनुपर्ने अभियान । गायक प्रवीण गुरुङको हत्यापछि उनको न्यायका लागि अनेरास्ववियुले ५ लाख २३ हजार हस्ताक्षर संकलन गरी ज्ञापनपत्र राजा वीरेन्द्रलाई बुझाएपछि राजाले पहिलोपटक अनेरास्ववियुलाई चिट्ठीमार्फत सम्बोधन गरेका थिए । नेपालको संस्कृत विश्वविद्यालय वाल्मीकि क्याम्पस काठमाडौंमा महिला तथा दलित जनजातिहरुले पनि पढ्न पाउने व्यवस्था ल्याउन महत्त्वपूर्ण भूमिका ।
नेपालको सीमा रक्षाका लागि पहिलोपटक काठमाडौंदेखि कालापानीसम्म मार्चको नेतृत्व । यस्तै सुस्ता नेपालको हो भन्दै सुस्ता बचाउ आन्दोलन, तिलाठी नेपाल, महेशपुर बचाउ अभियानमा महत्त्वपूर्ण भूमिका खेलेका थिए । भ्रष्टाचारविरोधी, राष्ट्रियता, लोकतन्त्र, जातीय छुवाछुतविरुद्धका आन्दोलनको नेतृव्वदायी भुमिका ।
राजनीतिक घटनाक्रम
वि.सं. २०४६ सालको आन्दोलनमा सक्रिय भूमिका । २०६३/०६३ को जनआन्दोलनमा नेतृत्वदायी भूमिका । आन्दोलनमा सक्रिय भएबापत पटक–पटक जेल । भारतीय नाकाबन्दीविरुद्धको आन्दोलन, एनसेल करछली प्रकरणविरुद्ध समेत सशक्त आवाज उठाउन सफल ।
तीन दशकभन्दा लामो विद्यार्थी र पार्टी राजनीतिको अनवरत यात्रामा रहेका गैरे संसदीय राजनीतिमा पहिलो पटक उदाउने प्रयासमा छन् ।
