राजनीतिक आबद्धता
हरिकुमार राना मगर २०३७ सालदेखि विद्यार्थीबाट राजनीतिमा होमिएका हुन् । प्रजातन्त्र आगमन पश्चात २०४८ सालमा राना नेकपा एमालेको जिल्ला कमिटी सदस्य बने । २०४९ सालमा शनिश्चरे गाविसमा अध्यक्ष निर्वाचित भए । पुनः ०५४ सालमा गाविस अध्यक्ष पदमा निर्वाचित भए । ०६६-०६८ सम्म नेकपा एमालेको क्षेत्र नम्बर ४ को अध्यक्षको जिम्मेवारी सम्हाले । मुलुक संघीयतामा गएपश्चात अर्जुनधारा, शनिश्चरे र खुदुनाबारी गाविस मिलेर अर्जुनधारा नगरपालिका बन्यो । उनी नेकपा एमालेको तर्फबाट अर्जुनधारा नगरपालिकाको प्रमुखमा निर्वाचित भए ।