नरबहादुर धामी

राजनीतिक आबद्धता

२०४८ मा नेकपा (एमाले)को विद्यार्थी संगठन अनेरास्ववियुको स्कुल कमिटीमा आवद्ध भई राजनीतिक जीवन सुरुवात । २०५४ मा अनेरास्ववियु कञ्चनपुर जिल्ला कमिटी सदस्य । २०५६ मा कञ्चनपुर जिल्ला कमिटी अध्यक्ष । २०५७ मा कञ्चनपुरस्थित सिद्धनाथ बहुमुखी क्याम्पसको स्ववियु सभापति तथा २०५७ मै अनेरास्ववियुको केन्द्रीय सहअध्यक्ष । २०७० मा एमालेको केन्द्रीय कमिटी सदस्य तथा संघीय मामिला विभागको सदस्य । २०७० मा एमालेको महाकाली अञ्चल कमिटी सदस्य । २०७५ मा नेपाल कम्युनिस्ट पार्टी (नेकपा) को सुदूरपश्चिम कमिटी सदस्य । हाल एमाले केन्द्रीय समिति सदस्य ।

संसदीय यात्रा

संघीय संसद् प्रतिनिधिसभा सदस्य निर्वाचन २०७४ मा कञ्चनपुर निर्वाचन क्षेत्र नम्बर २ बाट निर्वाचित ।

राजनीतिक घटनाक्रम

राजनीतिक आन्दोलनमा सहभागी हुने क्रममा २०५६ देखि ०६३ सम्म दर्जानौंपटक गिरफ्तार । २०६१ साल माघ १९ पछि देश दरोहको अभियोगमा तीन महिना जेल । २०६२ वैशाख १६ मा तत्कालीन शाही सेनाले कञ्चनपुरको जनज्योति क्याम्पसमा अनेरास्ववियुको कार्यक्रम चलिरहेको बेला गोली चलाउँदा घाइते भएर छाउनी अस्पतालमा ३ महिना उपचार ।