राजनीतिक आबद्धता
२०३१ सालदेखि राजनीतिमा सक्रिय । नेपाल सद्भावना पार्टीको केन्द्रीय सदस्य । तराई मधेस लोकतान्त्रिक पार्टीको सहअध्यक्ष । स्वतन्त्र राजनीतिक समूहको संयोजक र हाल जनता प्रगतिशील पार्टीको अध्यक्ष ।
संसदीय यात्रा
२०४८ सालको निर्वाचनमा नवलपरासी ३ बाट नेपाल सद्भावना पार्टीका तर्फबाट उम्मेदवार भई विजयी । २०५१ को मध्यावधि निर्वाचन र २०५६ सालको निर्वाचनमा विजयी । संविधानसभा सदस्य निर्वाचन २०६४ मा पश्चिम नवलपरासी १ बाट निर्वाचित । २०७० को संविधानसभामा नेपाली कांग्रेसका देवकरण कलवारसँग पराजित ।
कार्यकारी जिम्मेवारी
२०६३ सालमा उद्योग वाणिज्य तथा आपूर्ति मन्त्री । २०६८ मा कानुन, न्याय तथा संसदीय मामिला मन्त्री । २०७६ सालमा संघीय मामिला तथा सामान्य प्रशासन मन्त्री र २०७७ सालमा स्वास्थ्यमन्त्री ।
राजनीतिक घटनाक्रम
राजनीतिक आन्दोलनका क्रममा २ वर्ष भूमिगत । २१ महिना जेल र करिब एक वर्ष निर्वासन ।
चार दशकभन्दा लामो राजनीतिको अनवरत यात्रामा रहेका नेता त्रिपाठी संसदीय राजनीतिमा अनुभवी नेताका रूपमा चिनिन्छन् ।