यो राजनीतिक दल २०७५ साल चैत ४ गते स्थापना भएको हो । साढे तीन वर्षअघि खोलिएको यस दलको अध्यक्ष चन्द्रकान्त (सीके) राउत हुन् ।
मधेसलाई नेपालबाट अलग्याएर छुट्टै मधेस देश बनाउने भन्दै पृथकतावादी आन्दोलन चलाइरहेका राउतसित तत्कालीन केपी शर्मा ओलीको नेतृत्वको सरकारसँग २०७५ साल फागुन २४ गते ११ बुँदे सहमित गरेसँगै मूलधारको राजनीतिमा आएको हो ।
यसपछि जनमत पार्टीबाट राजनीतिक गतिविधि गर्दै आएका छन् । मधेसको अधिकार स्थापना गर्ने उद्देश्यले स्थापित यस दलको मुख्य आधार इलाका पनि मधेस क्षेत्र नै हो । २०७९ साल वैशाखमा सम्पन्न स्थानीय तहको निर्वाचनमा अध्यक्ष राउतको गृह जिल्ला सप्तरीका २ वटा स्थानीय तहमा जनमत पार्टी विजयी भएको थियो ।
यस दलको चुनाव चिन्ह 'माइक' रहेको छ ।
