मंगलप्रसाद गुप्‍ता

राजनीतिक आबद्धता

२०२४ सालदेखि राजनीति सुरु । २०२४ मा मुलुकभरिबाट मत पाएर नेपाल युवक संगठनको केन्द्रीय सदस्य निर्वाचित । २०४७ सालमा नेपाली कांग्रेसमा प्रवेश गरी राजनीति सुरु । २०७८ पुसमा नेकपा एमालेमा प्रवेश । अहिले पार्टीको केन्द्रीय सल्लाहकार परिषद् सदस्य । मजदुर र कृषकको अधिकारका लागि काम । २०५१ सालमा कांग्रेस आबद्ध नेपाल किसान संघको केन्द्रीय सचिव । २०२५ सालमा परासीमा धनही (धान बाली लगाएबापत दिनु पर्ने कर) घटाउनु पर्ने भन्दै आन्दोलनको नेतृत्व । प्रहरी धरपकड र गोली प्रहार । आन्दोलनले धनही घटाएको । त्यस्तै २०५६ मा कपिलवस्तुमा मोहीको हक अधिकारको स्वामित्व २५ बाट बढाएर ५० प्रतिशत दिलाउन सुरु भएको आन्दोलनको नेतृत्व । कृष्णनगरमा बिडी मजदुर आन्दोलन चलाएर पारिश्रमिक वृद्धि ।

संसदीय यात्रा

संसदीय यात्रा : २०३८ सालमा कपिलवस्तुबाट संसदीय निर्वाचनमा उम्मेदवार । समग्र जिल्ला दुई क्षेत्रमा बाँडिएर भएको निर्वाचनमा तेस्रो स्थान प्राप्त । २०४२ मा पञ्चायत नीति तथा जाँचबुझ समिति सदस्य । २०४८, २०५६ र २०६० मा भएको संसदीय निर्वाचनमा कपिलवस्तु क्षेत्र नं. ४ बाट उम्मेदवार । २०६४ र २०७० को संविधानसभा निर्वाचनमा मधेसी जनअधिकार फोरम र तमलोपाबाट उम्मेदवार । २०७४ को संसदीय निर्वाचनमा फोरमबाट उम्मेदवार । तर, सबै निर्वाचनमा निकटतम प्रतिद्वन्द्वी ।

विशेष जिम्मेवारी

साढे पाँच दशक लामो राजनीतिको अनवरत यात्रामा रहेका गुप्ता युवा, मजदुर र कृषकका अधिकारका लागि लड्दै आएका छन् । विभिन्न २० मुलुकको भ्रमण । गोरखा दक्षिण बाहु दोस्रो, महेन्द्ररत्न भूषण र २०२९ सालमा राजा वीरेन्द्रको राज्याभिषेक हँुदा कोरोनेसन मेडल प्राप्त ।